இந்தியாவின் 13வது பிரதமராக 71 வயதான திரு மன்மோகன் சிங்
சனிக்கிழமை மாலை பதவி ஏற்றுள்ளார். சோனியாகாந்தி பிரதமராக
மறுத்தமையினால் 82 சதவீதமான இந்துக்களைக் கொண்ட இந்தியாவில் சிறுபான்மை சீக்கிய சமூகத்தினைச் சேர்ந்த மன்மோகன்
சிங் பதவியேற்க முடிந்துள்ளது. இந்திராகாந்தி கொலை அதன் விளைவாக ஏற்பட்ட சீக்கியர்கள் மீதான வன்செயல்கள் காரணமாக
காங்கிரஸ் கட்சியின் மீது சீக்கியர்கள் கொண்டிருந்த வெறுப்பும் மறைந்துள்ளதாகவும் கருதப்படுகிறது. மன்மோகன் சிங்
பிறந்தது பாகிஸ்தானில்(இந்தியா பாகிஸ்தான் பிரிவினையின் முன்பு) என்பது குறிப்பிடத்தக்கது. பாகிஸ்தானில் உள்ள அவர் பிறந்த ஊரைச் சேர்ந்த மக்கள் பலர் மகிழ்சியுடன்
கருத்துக்கள் தெரிவித்துள்ளனர். இங்கு ஒன்றைக்குறிப்பிடலாம். இந்தியாவின் புதிய பிரதமர் பாகிஸ்தானில் பிறந்ததுபோல் பாகிஸ்தான் அதிபர் பார்வேஸ் முஸ்ராப் பிறந்தது இந்தியாவில் உள்ள
டெல்லியில் என்பதும் குறிப்பிடத்தக்கது.
